Alice is in die sewende hemel toe sy aangeneem word deur Tant Ella Hauser. Sy gaan woon in pragtige Edelweiss in Switserland waar sy baie vinnig maats maak en vir die mense lief raak. Lina Hauser word vinnig Alice se beste maatjie en die twee gaan saam op heerlike avonture in en om die dorpie terwyl hulle nog maats maak en lesse leer. Later wen Alice en Lina beurse om vir 'n jaar lank in die stad skool te gaan. Daar loop die twee in 'n nuwe avontuur vas waar hulle 'n jong meisie ontmoet wat baie soos Alice lyk.