Ànimas de féminas e óminis, pipius, animalis e àterus èssiris chi bagamundant, trabballant, sunfrint. Ànimas chi bivint sa vida insoru e, totinduna, s’agatant faci a pari a is milli caras de su Mali chi si cuat a palas de is acuntéssius de sa vida. Ànimas de su passau, de su presenti e de su benidori, ànimas chi a bortas nci dda faint, a binci sa gherra insoru contras a sa suferéntzia, e ànimas chi imbecis, a dolu mannu, ddis tocat a s’arrendi. Ànimas in pena chi no s’acatant de totu sa malesa chi ddoi est in su mundu. Ànimas vítimas de su disisperu, chi circat de ndi ddis liai sa fortza e, a sa fini, ddas bincit. Una regorta de contus orrorosus, fantàsticus e drammàticus premiaus a is Cuncursus de Literadura Sarda, e àterus inéditus.